Ils sis animals representan strategias per emprender persistent. Ils tips e trics sebasan sillas retschercas dils pli renomai scientists dil tschurvi e digl emprender (Vera F. Birkenbihl, Peter Gasser, Gerald Hüther, Remo H. Largo, Manfred Spitzer, Stefanie Rietzler e Fabian Grolimund). Ils cussegls d’emprender sco survesta anflas ti cheu.
focussar
> esser aviart:a:s e sefocussar
> s’orientar e far ina survesta
- procurar per aria frestga, aua e moviment
- eleger in plaz clar e ruasseivel; dustar apparats electronics
- surleger ils pensums; planisar il proceder, material e temps, strihar pensums sligiai
ughegiar
> empruar activamein e senza tema
> crer en sesez:za ed emprender da sbagls
- respirar profundamein; crer en sesez:za e patertgar positiv
- empruar da sestellegiar sur sesez:za; analisar sbagls ed empruar danovamein
- dumandar per agid persunas cumpetentas
construir
> analisar, cumparegliar e structurar las informaziuns
> associar e construir activamein la savida
- analisar, cumparegliar e structurar las informaziuns; eruir caussas enconuschentas
- resumar las informaziuns en fuorma da cavazzins, mindmap, skizza, …; marcar/colurar informaziuns
- memorisar las informaziuns cun gidamemorias
imitar
> emprender cun exempels, observar ed imitar
> dumandar, discussiunar ed instruir in l’auter
- tschercar, analisar/observar ed imitar exempels concrets
- dumandar persunas cumpetentas „co“ proceder/sligiar il pensum
- analisar, reflectar e discussiunar il proceder ed il resultat
proceder
> far pass per pass – e pausas
> luvrar tenor las atgnas habilitads
- parter la materia d’emprender en purziuns; luvrar concentradamein, en in tempo adattau ed exact
- s’organisar tenor „pomodoro“; luvrar 20 minutas, far 5 minutas pausa, luvrar 20 minutas, far 5 minutas pausa, …
- procurar per aria frestga, aua e moviment duront las pausas; durmir avunda
repeter
> repeter e reflectar regularmein
> exercitar variontamein e cun moviment
- repeter regularmein e sur plirs dis la materia d’emprender
- reflectar regularmein il „co“ proceder ed il resultat; nudar tips e trics nizeivels
- exercitar/applicar la savida en situaziuns concretas; exercitar cun moviment